magkaiba
ni: Charnnie Dacumos
nag-aral ka sa maynila
pang-aral mo'y nakalulula
damit mo'y mamahalin
pambili na ng makakain.
lagi kang naka-kotse
terno ang iyong damit
kasama ang iyong kalupi
sa kamay ay nakaipit
pagdating naman sa klase
ang alam mo'y matulog
daig mo pa ang nagtratrabaho
yun pala'y puyat sa kalalaro
buti pa ang isang ito
sa umaga ay kumakayod
sa gabi ay nag-aaral
kay inay ay nagbibigay pa ng sahod
buhay tambay
ni: Charnnie Dacumos
maghapong nakatanghod
akala mo'y pagod
akala mo'y bulok
andoon sa isang sulok
sa umaga ay kakain
sa tanghali'y matutulog
sa hapo'y maglalaro
tila isang palalo
kapag may di nakuhang bagay
magpapakalunod sa tagay
kapag lasing na lasing na
tsaka maghahamon ng away
koleksyon mo'y mga babae
na tila tumutulo pa ang laway
kapag inabot ng isang gabi
lagot ka sa kanyang tatay
hanggang kailan ka ganyan?
ikaw ay nakasasawa
ikaw nga ay malaya
wala namang kwenta.
sakim
ni: Charnnie Dacumos
hiling ko'y kotse,
ngunit di ko makuha
hiling ko'y pera
di mo maibigay
hiling ko'y pagkain
iyo namang kinain
akin na lang ang tinapay
binigay mo pa sa tambay
pahingi ng kumot
kahit parang supot
pahingi ng kulambo
madaming lamok
ngayo'y iyong panahon
ubos-ubos sa biyaya
bukas nama'y nakatunganga
ikaw kasi'y madaya.
poot ng lait
isinulat ni:
Charnnie Dacumos
kawangis ng iyong mukha
ang iyong pananalita
akala mo'y napakagandang nilalang
kung makapanglait ay walang kulang.
hugis ng iba iyong nakikita
muka mo nama'y mukang paminta
kapag may maputi siyang lalapitan
tsaka sasabihing dinaan sa glutathione
pagkakamali niya'y sayo'y walang ligtas
ngunit ang iyo, di mo ba nakikita?
kung antu-santuhan man ang pag-uusapan
tiyak kong ikaw ang talunan.
wala pa namang alas-kwatro,
hindi pa huli ang lahat kaibigan
magandang pananalita at gawi
kailangan mong pag-aralan
mahirap na baka kinabukasan
maisasalamin sayo ang lahat ng iyong panglalait
na walng idudulot
kundi ang pait.
Awitin ng Batang Antukin
kasalukuyan kong binabagtas
ang solitaryong may kalatas
ng marinig ko ang tugtugin
sa piyano ng batang antukin.
sa bawat galaw ng kanyang mga kamay
tumitibok ang puso ko
ng walang humpay
pati ang notang sumasabay
sa saliw ng kanyang awitin
narinig ko ang mga salita
ng batang antuking salat
na may kayumangging balat
hiniling ko sa mga oras na iyon
na pahabain pa ang pagkakataon
upang marinig ko ang saloobin
ng tumutugtog na batang antukin.
isinulat ni:
Charnnie Dacumos
*they are super waley right? i wish to learn more writing Filipino poems.
gosh.. naligaw yung aral ng hostage something..
ReplyDelete